sumarfrí !!

Thursday 19 April 2012: 30 day challenge; day 19 - Summer is here !, a photo by Guðrún K. on Flickr.

hæ hæ ! spurning um að blása lífi í þetta blogg aftur ?
Sonurinn orðinn svo stór, svo mikið um að vera, svo mikið að gerast !
Núna er hann búinn með 2 bekk. ótrúlegt hvað tíminn líður.
Og honum gekk rosalega vel; fékk mjög góða umsögn. Gengur vel að læra og gengur mjög vel félagslega, á marga vini og á auðvelt með að vinna í hópum.
Á skólaslitum sátum við pabbi hans í salnum með honum og hann sá kennarann sinn álengdar, sá stutti rauk af stað til að hlaupa í fangið á henni og gefa henni gott knús. Þetta er alveg lýsandi dæmi um son minn.

Núna er hann komnin í sveitina til mömmu og pabba. Ég fer ekki í sumarfrí fyrr en 13.júlí og við erum svo heppin að hann getur verið þar. Sundnámskeið byrjar í dag í sveitinni og í vikunni byrjar íþróttaskóli sem hann hefur áhuga á að taka þátt í. Hann hefur eignast góðan vin þar, en sá strákur verður ekkert í sveitinni í sumar. Svo þetta er snilldar ráð til að kynnast nýjum vinum og hann er mjög áhugasamur.

kv, Guðrún K.

Í sveitinni

Lake Mývatn 06.03.11 a photo by Sólargeislinn on Flickr.

hæ hæ ! þessi mynd er tekin í morgun. Við mamma fórum með afa út á vatn að veiða, fengum 7 stórar bröndur, virkilega fallegar. Það var rosalega kalt. Mamma var inni í bíl mest allann tímann, en ég var úti að leika á ísnum. Hann var svo fallegur, spegilsléttur og frosinn!

Annars er alllt gott af okkur að frétta. Fékk rosalega góða umsögn í skólanum. Duglegur að læra og þægur og góður. Alltaf glaður og kátur, vel liðinn og á auðvelt með að breyta til og tileinka mér nýja hluti.

Fór líka til tannsa á dögunum. Og sú skoðun kom mjög vel út, allavega var tannsinn mjög ánægður með mig :)

Fékk smá hita núna á fimmtudag og var heima veikur á föstudag. Við mamma fórum upp í sveit og létum fara vel um okkur. Fór ekkert út á laugardag en mátti fara út í dag þar sem ég var hitalaus í gær (laugardag) Var sem sagt ekki lengi að hrista þetta af mér :)

Svo erum við mamma í fríi á morgun líka. Það er vetrarfrí og starfsdagar í skólanum mínum og hanner lokaður alla vikuna. Ég fer til pabba á þriðjudag (eða mánudagskvöld) og verð hjá honum núna þá í nærri heila viku :)

Þar til næst - hafið það gott :)

Labbitúr í Kjarnaskóg

Kjarni 10.02.11
Originally uploaded by Sólargeislinn

hæ hæ ! mamma mín er allt of löt við að blogga !

En árið 2011 er bara búið að byrja vel og það er alltaf jafn gaman í skólanum. Ég er hraustur og hress og gaman að læra !

Við mamma tókum labbitúr með myndavélar í gær og nutum veðurblíðunnar í kjarnaskógi.

Um helgina fer ég til pabba og ætla að hafa það gott þar :)
Góða helgi !

6. ára afmælisstrákur

woohoo í dag á ég afmæli ! og ég er búinn að fá nokkra afmælispakka, td kubba frá langafa og langömmu sem hægt er að kubba 3 mismunandi bíla úr sömu kubbunum.  Mamma mín er búin að hjálpa mér að kubba fyrstu 2 og rífa þá í sundur og er að kubba 3 gerðina núna – rosalega gaman !

Kíktum til þeirra í Lynghrauninu, og ég fékk afmælispakka þar líka; Arsenal jólasveinahúfu! hún er alveg geggjuð !

Ég hlakka til jólanna líka, en í dag ætla ég að njóta afmælisins og fá gesti í smá kaffi

Kveðja úr sveitinni

Gabríel afmælis jólastrákur

Afmælisveislan

Afmælisveislan
Originally uploaded by Sólargeislinn

Hæ hæ !
Mamma er búin að setja inn myndir frá afmælisveislunni minni. Bauð vinum mínum úr skólanum og auðvitað Jóhannesi og Júlíusi :o) Var rosalega gaman hjá okkur

Jólafrí !!!

í dag voru litlu jól í skólanum mínum og ég lék engil í jólasögu.  Mamma og pabbi komu til að horfa á og fór ég svo heim með pabba þar sem mamma er að vinna. 

þetta var rosalega gaman og þau sögðu að þetta hafi verið rosalega skemmtilegt  

Ég hélt smá strákaveislu í gær.  Bauð bara strákum úr bekknum mínum í kökukaffi og svo kom Jóhannes og Júlíus ! Var rosalega gaman !

Hlakka mikið til jólanna !

Fallegasta brosið !

Jólasveinar 2010
Originally uploaded by Sólargeislinn

núna er Gabríel Alexander með fallegasta brosið í bænum ! en báðar frammtennur í efri góm eru farnar :o)

Jólasveinar 2010

Jólasveinar 2010
Originally uploaded by Sólargeislinn

Gabríel og Stúfur í Dimmuborgum !

Jólasveinarnir í Dimmuborgum

Jólasveinar 2010
Originally uploaded by Sólargeislinn

hæ hæ !
við mamma mættum auðvitað í Dimmuborgir og tókum á móti jólasveinunum! ég fékk kerti ! það var rosalega gaman !

allt fínt að frétta

já mamma mín hefur ekki verið dugleg að uppfæra bloggið mitt.  En það er allt gott að frétta af okkur. 

það er kominn vetur, snjóar í dag !  Ég ég er voða kátur með það, finnst virkilega gaman í snjónum og í dag eftir skóla fór ég út með þotuna mína. 

Mamma sótti mig í skólann ídag, en ég var hjá pabba um helgina. 

Það er gaman í skólanum.  Mér finnst skemmtilegra í stærðfærði en að lesa og fékk heim með mér verkefnabók sem ég má vinna í eins og ég vil, rosalega skemmtileg, hún heitir Sproti 1. 

Réttir 05.09.2010

Réttir 05.09.2010
Originally uploaded by Sólargeislinn

hæ hæ ! það voru réttir í dag ! Var rosalega gaman. Fórum og sáum þær koma og svo vorum við að draga þær.

Annars var fyrsta vikan í skólanum alveg frábær! Ég labba sjálfur í skólann og ekkert mál . Klára alltaf nestið mitt og er duglegur að vera stiltur og mér finnst alveg rosalega gaman í skólanum !

Og vistunin eftir skóla er líka skemmtileg !

Ég reyndar búin að gleyma hlutum og svona en það er bara á meðan ég er að læra á þetta allt saman.

Svo byrjaði ég í sundkennslu líka. Er 1x í viku í sundi fram yfir áramót ! Mér finnst það gaman !

fyrsti skóladagurinn 26..08.2010

fyrsti skóladagurinn 26..08.2010
Originally uploaded by Sólargeislinn

Jæja þá er ég byrjaður í skólanum ! SKólinn minn heitir Lundarskóli og ég er bara 2-4 mínutur að labba í skólann. Ég var ekkert að stressa mig yfir þessu; missti hvorki matarlyst né svefn af spenningi, en mamma heyrði hjá sumum foreldrum að nokkur börn væru yfirspennt og hefðu ekkert náð að sofna í gær.

Mér líst vel á kennarana mína, er í stofu með Aron Orra sem er góður vinur minn af Flúðum og tveimur vinkonum mínum af Flúðum líka; Anítu og Margréti.

Ég byrjaði á að finna allt dótið í skólatöskunni, ath hvort mamma hefið nú ekki örugglega munað eftir að setja samlokuna mína í töskuna. Og svo fannst mér ekkert mál þegar hún fór.

Bara gaman að vera byrjaður í skóla !

Láxárdalur og sumarrúntur

19.08.10.3
Originally uploaded by Sólargeislinn

hæ hæ ! við mamma og amma fórum í sumarrúntinn okkar í dag. Byrjuðum á að fara í Laxárdalinn, alla leið að Þverárkirkju. Og á leiðinni rak ég augun í húsið í fjallinu (Laxárvirkjun) og mamma mundi að Landsvirkjun væri með opið fyrir almenning á nokkrum stöðum á landinu og þetta væri örugglega einn af þeim. Og við kíktum inn! Fengum flotta leiðsögn um göngin og mér fannst þetta svaka spennandi.
Svo kíktum við á Grenjaðarstað, og svo yfir í Hraunsrétt og fengum okkur nestið þar. Amma sagði okkur sögur frá því að hún var lítil stelpa á Reynisstað sem er nálægt Hraunsréttinni.
þar á eftir tókum við rúnt að Nípá, sem er í Kinninni. Amma er að lesa gamlar dagbækur og hún vildi skoða staðinn sem hluti þeirra gerist, og þar á meðal flottur foss sem sú sem skrifaði dagbækurnar hélt mikið uppá. Enda flottur foss !
Við fórum svo til Húsavíkur á Hvalasafnið, stoppuðum ekki lengi við, en við mamma löbbuðum samt í gegn og skoðuðum stóru beinagrindurnar. Okkur var svo boðið í vöfflukaffi á nýja kaffihúsinu hjá vinkonu ömmu sem heitir Sólrún og á sama afmælisdag og ég :o)
við skemmtum okkur konunglega ídag.

Ef þið smellið á myndina þá getið þið séð allar myndirnar sem við tókum í dag :o)

Þeistareykir og Dettifoss 16.08.10

Þeistareykir og Dettifoss 16.08.10
Originally uploaded by Sólargeislinn

hæhæ ! við fórum í gær á rúntinn, og í restina var þetta orðið sannkölluð óvissuferð. Afi bauð okkur upp á Þeistareyki. Mamma hafði aldrei komið þangað og það var rosa gaman. Mamma tók fullt fullt af myndum. Síðan tókum við gamla þjóðveginn niður í Kelduhverfi. Afi sagði okkur frá því að þennann veg hafði hann farið sem strákur frá Húsavík þegar hann var að fara í sveitina á Presthólum. Svo fengum við okkur pyslu í Ásbyrgi. Skrýtið að koma þangað þegar við mamma erum ekki í útilegu. En gaman samt. Þaðan fórum við upp að Dettifossi og þessi mynd er tekin af okkur afa þar! Mér fannst fossinn rosalega flottur. Afi var rosa ánægður þegar hann komst að því að hann gat keyrt nýja veginn heim í sveit aftur !

þetta var rosaskemmtilegur dagur !

Dimmuborginr 04.08.2010

04.08.2010
Originally uploaded by Sólargeislinn

Við mamma fengum okkur góðan göngutúr í Dimmuborgir og svo í Vogafjós. Var rosalega gaman hjá okkur. Á eftir göngutúrnum fékk ég köku og svala í Kaffi Borgum og Lundabangsa!!

Kárahnjúkarúntur 31.júlí 2010

IMG157
Originally uploaded by Sólargeislinn

hæ hæ ! á sunnudaginn fórum við mamma með afa og ömmu og langafa og langömmu austur á Kárahnjúka. Borðuðum nesti í Atlavík. Ég fann þessa forláta lest við Végarð sem er upplýsingarmiðstöð Landsvirkjunnar áður en maður fer upp á Kárahnjúka (rétt hjá Skriðuklaustri) ég gat leikið mér endalaust í þessari lest.
Við stoppuðum svo í Sænautarseli - þar fengu þau sér kakó og lummur, ég fékk fjaðurpenna, var ekki svangur (ótrúlegt en satt) því ég hafði borðað nesti á Kárahnjúkum líka og svo svaf ég vel á milli Kárahnjúka og Sænautarsels.
Smellið á myndina og þá fáið þið upp allar myndirnar sem eru á flikkrinu okkar mömmu frá ferðinni :o)

hættur á leikskóla

hæ hæ !

í dag var síðasti dagurinn á Flúðum ! Núna er ég kominn í sumarfrí, fer til pabba á sunnudaginn.  Þar verð ég fram til 31 ágúst :)

Ásbyrgi 25-26 júní 2010

Ásbyrgi 25-26 júní 2010
Originally uploaded by Sólargeislinn

mamma að prufa nýjar stillingar á milli myndasíðunnar okkar flickr og bloggsíðunnar minnar :o)

ein uppáhalds mynd mömmu

Útilega í Ásbyrgi

hæ hæ hó hó

mamma mín er loks búin að setja inn myndir frá útilegunni okkar:

Ásbyrgi 2010