Í Fellshlíð

Hæ hæ!! Það var eins og alltaf meiriháttar að koma í Fellshlíð!  Ég er svo hrifinn af Önnu frænku og Hermanni frænda. Blíðan tók líka vel á móti okkur - setti reyndar upp svip þegar hún sá mig "ó nei ekki enn einn krakkinn" en ég var svo rólegur og var ekkert að hamast í henni þar sem ég er vanur hundum.  Klappaði henni bara reglulega þegar ég gekk framhjá og húp var svo sátt við þetta hjá mér.  Hún er  hvolpafull og ætlum við að skoða þá þegar þeir koma - mánaðarmót apríl - mai! Hlakka ég til !!

Það er slatti snjór í Fellshlíð og ég fór á snjósleða !!! Í fyrsta skipti!! Mamma mátti bara keyra mig, og tvær ferðir voru alveg nóg.  En ég var svo stoltur og þetta var svo gaman!! Ætlaði svo reyndar með Hermanni á sunnudaginn en þá var svo mikið fjúk að ég hætti við.  Og það var ekki fræðilegur að tala mig tilbaka. 

Ég hjálpaði Önnu að baka pizzu! Fékk að fletja út og setja sósuna á og áleggið.  En fullorðnafólkinu fannst undarlega lítið af pyslum á annarri pizzunni... skil ekkert hvað þau meintu með því haha!!

Ég fékk að vaka til níu! Hermann á svo flott mótorhjól sem ég fæ alltaf að leika mér með, og núna gerði hann við fjarstýrðabílinn sem var búinn að vera bilaður í langann tíma.  Já það er svo gott að vera í Fellshlíð!

Var að sjálfsögðu duglegur að fara að sofa, og svaf vel. 

Nú er pabbi minn farinn í smá ferðalag.  Ég þarf víst að sofa margar nætur áður en hann kemur aftur.  Mamma er búin að skýra þetta mikið út fyrir mér.  En þó hann hafi þurft að fara í smá ferð þá er ég velkominn í heimsókn til Huldu, Tinnu og Töru sem er alveg frábært.  Og mamma spurði mig á sunnudaginn hvort ég vildi ekki kíkja í kaffi til þeirra.... ég snéri mér við og svaraði "nei ... bara vatn" 

Og að sjálfsögðu var gaman þar líka í gær.  Og var þreyttur og sáttur þegar ég fór að sofa í gærkveldi. 

Bitið í eggið

Gabríel fannst eggið frekar gott á bragðið :o)

Youtube myndir

Mamma er búin að setja inn myndbönd frá páskaeggjaopnun og smakki á youtubið okkar :)

Smellið hér til að horfa !

Afmæli Hjartar Smára

Í dag á Hjörtur Smári flottasti stóri frændi minn afmæli!!!!

Og einnig langamma mín hún Guðrún.  Þess má geta að mamma hennar hún Kristín langalangamma mín átti afmæli þennann dag líka og Þórhalla hin langamma mín.  29. mars er sko afmælisdagur okkar fjölskyldu!!

 

Til hamingju með daginn !!!

Kveðja frá okkur mömmu!!!

Í Bíó!

Hæ hæ ! í gær fór ég á mína fyrstu bíómynd!! Starfsfólki EJS og börnum var boðið í bíó og fengum við A sal fyrir okkur.  Sem var frábært!  Fórum að sjá myndina Horton  og ég sat í gegnum hana alla!! Reyndar dálítið ókyrr þegar fór að líða að hléi.  Fór þá fram með mömmu, fylltum á kókin okkar og ég hljóp og hljóp hring eftir hring í andyrinu.  Mamma leyfði mér að fá kók og nammi í tilefni ferðarinnar.  Sem ég fæ annars aldrei.. (þe kók) Þarna voru fleiri krakkar og annar sem var líka að fara í fyrsta skipti sem er mánuði yngri en ég og hann fékk einmitt líka kók í tilefni dagsins :) við vorum flottastir!!

Eftir hlé og sessuskipti (byrjaði á að hafa rauða en vildi svo bláa) sat ég svo og horfði hugfanginn á stóra sjónvarpið.  Mér fannst reyndar stundum of hátt, og hélt oft fyrir eyrun.  - þess má geta að þegar ég hlusta á papana hér heima þá er ég alltaf með lágt stillt.  Mér finnst óþægilegt að hafa of hátt í kringum mig. 

Í enda myndarinnar var ég svo kominn í fangið á mömmu.  En ég horfði allann tímann og fannst þetta rosaelga gaman og mamma ákvað að við skildum sko fara oftar í bíó - þetta var svo gaman!!!

í dag erum við svo að fara í Fellshlíð.  Við ætlum að gista þar og hafa gaman!! Hlakka svo til að hitta Önnu, Hermann og Blíðu!!!

Þar til næst eigið góða helgi

Ykkar Gabríel Alexander

Halló halló !!

Nú er ég kominn í skólann minn aftur.  Mamma sótti mig í gær þegar hún var búin að vinna og það var svo gaman hjá mér.  Amma var orðin heldur þreytt.  Ég er búinn að ná að hvíla mig svo vel yfir páskana að ég hef ótakmarkaða orku og er alveg að notfæra mér það!!!

Páskarnir voru góðir!! Mamma átti afmæli á páskadag (23. mars) og ég var búinn að fá ömmu með mér í lið að finna gjöf handa henni og pakka inn.  Svo skrifaði ég á kortið sjálfur og söng fyrir hana!  Hún táraðist af stolti.  Ég átti fyrst dálítið erfitt með að þegja  yfir gjöfinni.  En náði þó að halda aftur af mér.  Biðin var erfið.  Og um leið við vöknuðum á páskadag "mamma mín á afmæli - elsku mamma til hamingju" og svo knúsaði ég hana!!!

Fékk tvö páskaegg og var duglegur að borða súkkulaðið!! Byrjaði hins vegar á svona litlu eggi, á undan hinum tveimur.  Sylvía besta frænka hjálpaði mér að opna og ná namminu út.  Svakalega gaman!!! Hún hafði einmitt málað á nokkur hænuegg með okkur - og það var rosalega gaman!! Ég málaði sjálfur og amma hengdi up p á greinar. 

Svo fór ég í fyrsta skipti í klippingu!!! Og ég var duglegur ! Sat eins og herforingi kjurr í fangi mömmu á meðan Alma klippti.  Og ég er svo flottur!

Já þetta frí var yndislegt.  Svo gaman að vera hjá afa og ömmu.  Horfa á formúluna, gralla og snúllast með afa.  Leika mér með lestirnar mínar, og hafa mömmu mína út af fyrir mig í heila 5 daga!!  Og við kubbuðum saman og lestuðum saman, lékum okkur.   Heimsóktum langafa og langömmu til Húsavíkur, og hittum Þórhöllu frænku! 

Og það var rosalega gott að koma heim í dótið mitt í gær.  Ég hljóp upp stigann og kallaði "dótið mitt dótið mitt" og fór að leika mér strax.  Mamma náði mér ekki í rúm fyrr en að ganga tíu í gærkveldi!! En ég er svo duglegur á morgnana að það er allt í lagi!!

Þar til næst hafið  það sem allra best.

Ykkar Gabríel Alexander :)

Nýjar myndir!!

hæ hæ

mamma mun skrifa meira síðar en vildi láta vita af nýjum myndum !!

Myndirnar okkar - Páskar og fleira !!

Gaman að vera til :)

hæ hæ !!! Það er búið að vera rosalega gaman þessa helgi.  

Við mamma hófum helgarfríið á að kíkja í Dótakassann.  Þar er svo mikið af flottu dóti, flottar lestir.  Og þeir eru með uppsett borð með lestum fyrir okkur krakkana til að skoða og vega og meta hvort sé skemmtilegt eða ekki... hehe auðvitað finnst mér þetta vera rosalega flott dót!! 

Afi og amma komu og í heimsókn til okkar á laugardaginn.  Afi hjálpaði mömmu við að gera við innréttinguna - en ein hurðin datt á löppina hennar - hún var ekki með fallegt orðbragð í smá stund á eftir.. 

Amma kom með okkur í íþróttaskólann - og það var svo gaman að sýna henni allt saman!! Þetta var síðasta skiptið okkar núna.  En mamma mun skrá mig í haust aftur! Hlakka ég til ... ójá !!

Svo fórum við í sveitina - við mamma.  Gistum þar í nótt og höfðum það gott !! Komum aftur snemma í dag.  Vildum njóta þess að vera smá heima líka.  Mamma setti upp Bubba Byggir gluggatjöld og endurraðaði í herberginu mínu. Þannig fann hún smá meira pláss fyrir mig til að rusla í !! hehe :)

Páskafríið er alveg að koma og hlakkar okkur mömmu mikið til !! Frí í nokkra daga - bara við að leika okkur og njóta þess að vera í fríi saman!! Langafi og langamma koma norður líka og fæ ég að hitta þau.  Ég spyr alltaf reglulega eftir þeim. 

Þar til næst - hafið það rosalega gott !

ykkar Gabríel Alexander.

ps - smá gullmoli - mamma spyr - "viltu hlusta á "foli foli fótalipri" ??"

Gabríel svarar "neiheii bara Linkin Park"

Hæ hæ !!!

Af okkur er sko allt gott að frétta !! Mamma bara í bloggleti þessa dagana. Nóg að gera hjá okkur. Við erum bæði hress, ekkert lasin sem betur fer. Það eru búin að vera brjáluð veikindi allt í kringum okkur en við sloppiði (7-9-13 haha)

Það er alltaf jafn gaman í leikskólanum. Ég er farinn að sýna vilja til að nota klóið meira, en ekki alveg tilbúinn að sleppa bleiunni alveg strax.

Ég er rosalega duglegur heima og vil helst hjálpa mömmu við allt. Td í morgun tilkynnti ég þeim á leikskólanum að ég ætlaði sko að elda í kvöld. Og er spurður hvað ég ætlaði að elda "fisk" og mamma spurði hvort hún ætti að taka út fisk fyrir mig að elda þá svara ég auðvitað "jáhá!!" (og ég tók út fisk kv mamma)

Vorum heima um helgina. Mamma var að vinna, og ég hitti pabba minn aðeins á laugardaginn. Og sunnudag vorum við mamma heima. Ég svaf í 3 tíma eftir hádegi á sunnudaginn svo það varð ekki mikið úr þeim degi hjá okkur. Ég bara þarf að hvíla mig fyrir næstu viku. Ég er hættur að skríða uppí til mömmu! Og við sofum bæði mikið betur fyrir vikið! Enda er ég búinn að vera í góðu jafnvægi og mér líður rosalega vel. Alltaf brosandi og hlæjandi og hlakka til að fara á fætur á hverjum degi!!

Vona að ykkur líði vel líka

Ykkar Gabríel Alexander

Ég er svo kátur í dag! Lína bangsastelpa fékk að koma heim með mér í gær. Mér finnst alltaf svo gaman þegar hún kemur í heimsókn. Ég sýni henni bílana mína og lestirnar mínar og passa hana rosalega vel! Svo skrifar mamma í dagbókina hennar og við lesum úr henni í skólanum :)

I dag fer ég svo til afa og ömmu - mikið hlakka ég til - meira að segja setti mótorhjólið mitt í töskuna en ekki með í skólann (sem reyndar varð smá vesen í bílnum þegar ég fattaði að ég var ekki með það með mér )

Allaveganna óska ég ykkur öllum góðrar helgar!!

Ykkar Gabríel

Sælt veri fólkið !!

Eins og endranær þá er allt ljómandi að frétta af okkur. Áttum góða helgi - hitti pabba minn á laugardaginn og skemmti mér vel. Og átti rólegan og góðan dag með mömmu á sunnudag.

Það er snjór núna - fékk að hafa þotuna mína í skólann og Þórey sækir mig í skólann í dag - vonandi fæ ég að renna niður nokkra skafla á leiðinni heim. Það er svo gaman.

Svo er svo gott að fá að kúra í fangi mömmu eftir langan dag - þessi mynd er tekin á föstudaginn eftir skólann. Þar sem gjörsamlega slokknaði á mér :o)

Til hamingju með afmælið kæri Jóhannes Geir

í dag á Jóhannes Geir vinur minn afmæli og er hann 3 ára í dag. Við mamma kíktum í afmælisboð til hans og var það alveg rosalega gaman! Snæbjörn vinur okkar var þarna líka, auk fleiri barna og lékum við okkur mikið saman. Kökur, ostar og fleira gott. Mömmur okkar sátu og kjöftuðu á meðan við guttarnir lékum okkur!!

hæ hæ !!

Héðan er allt gott að frétta. Gaman í skólanum, hress og hraustur, þægur og fullur af skemmtilegum sögum sem kannski ekki alltaf eru sannar. Líkist afa mínum, frænda mínum og öllum frændum úr ömmuætt með þetta að sögurnar eru litskrúðugar og já ekki sannar :o)

Það var byrjað á íþróttaskólanum í gær - var ekki alveg eins gaman og sl laugardag þar sem við vorum bara í leikjum núna, mér finnst miklu skemmtilegra að fara í þrautahringinn! vonandi er svoleiðis næstu viku. Þá verður mamma mín reyndar að vinna og pabbi fer með mér.

Og eftir íþróttaskólann fórum við í sveitina á Icecross þar sem Sylvía besta frænka var að keppa. Hún bauð mér að sitja hjá sér en ég vildi það ekki. Gaf þá skýringu að ég hefði setið á grænu mótorhjóli, dottið og fengið plástur. Þegar afi spurði hver hefði átt hjólið, "ég á hjólið" svo var það ekki meira rætt af minni hálfu.

Eins þegar ég benti á pilsnerinn hennar ömmu, "oj" og hún spyr mig hvernig ég viti það " ég hef sko smakkað þetta í skólanum..." útrætt...

En það var svakalega gaman að sjá hjólin og ég öskraði af spenningi þegar startið var og svo snérist ég bara í hringi því það voru hjól allstaðar og ég var ekkert hræddur við þau þó þau væru í gangi. En ég vildi samt ekki setjast á. En þetta er samt skref í rétta átt!!

Já í gær semsagt fórum við í sveitina, eftir góða og annasama viku í skólanum. Þórey bestafóstra er búin í prófum og sækir mig núna 2x í viku á meðan mamma lokar búðinni sinni. Og mér finnst svo gaman með henni. Í snjóvikunni þá sótti hún mig á þotunni minni.. sem ég valdi mér - og hún er bleik!!! Og ég fékk að renna niður snjómokstursskaflana í kringum blokkina mína - rosalega gaman!!

Mamma fór með afa að horntaka í fjárhúsunum, á meðan var ég í góðu yfirlæti hjá ömmu minni, ég nýt þessa stunda út í ystu!

Og í gærkveldi á leiðinni heim til Akureyrar sofnaði ég, svo við ákváðum að fara í smá heimsókn til Hafdísar frænku og Jóhanns Haralds á Möðruvöllum í Eyjafirði. Þangað er sko gaman að koma ! Fullt af krökkum að leika við og fullt fullt af flottu dóti -strákarnir eiga svo mikið af bílum og gröfum og dráttarvélum og dóti að ég hringsnérist um allt.

Já dagurinn í gær var frábær að vanda, og hlakka til að eiga rólegan dag í dag með mömmsu minni :o)

Gabriel, his grandma and Herkules

Og við mamma fórum í sveitina eftir hádegi í dag. Við reyndar misstum af þvi að slá köttinn úr tunnunni uppi í vinnunni hans afa en fengum í staðinn að fara með Hirti stóra frænda mínum og vini hans að syngja uppi í Baðlóni. Þar fengum við sko ís og svala að launum!! (mamma söng eiginlega fyrir mig -ég syng ekki eftir pöntunum)
Svo fórum við heim til afa og ömmu og vorum þar í mat. Fékk að byggja úr legó og Herkúles og amma hjálpuðu mér. Ég er svo montinn af tígrabúningnum mínum að ég sýndi þeim hann og vill sko alls ekki fara úr honum. Enda sef ég í honum í nótt!!
Það var rosagaman í dag, ég sofnaði sæll og kátur.
Ykkar Gabríel

Öskudagur !!! Á morgun er öskudagur og við mamma fórum í dag og fundum þennann líka flotta tígrisbúning!! Mér fannst hann svo flottur að ég heimtaði að fara í hann strax og við komum heim og mamma þurfti að tala mig til svo ég færi úr honum og í náttfötin. En það hafðist með því að mætast á miðri leið og ég fæ að sofa með hann uppí hjá mér ! En þið sem þekkið mig þá er ég ekkert allt of fús til að fara í ný föt svona við fyrstu kynni. Enda hlakka ég mikið til á morgun þar sem það er sleginn köttur úr tunnu og popp og svali á línuna !!

Halló halló !!

við erum í góðum gír hér á Akureyri!! Fullt fullt af snjó - verður geggjað gaman að fara í skólann á morgun og leika í snjónum. Við mamma erum búin að eiga þokkalega helgi. Fór til pabba í gær, ágætt - allavega skældi ég á eftir honum, en var fljótur að jafna mig.

Við mamma ældum svo bæði í nótt. Og þar með var ákveðið að fara ekkert upp í sveit í dag. Við ætluðum fyrst í gær, en veður var ekkert ákjósanlegt ferðaveður svo við frestuðum því. Þá höfðum við gælt við þá tilhugsun að fara í dag, en mamma er enn svo slöpp. Ég hins vegar bara hress og borðaði eins og það væri enginn morgundagur.

Enda sef ég núna og er búinn að sofa í 3 tíma!

Annars ætlaði ég bara að láta vita að mammsa er búin að setja inn nýjar myndir :o)

Hæ hæ og hó!!!

Ég er hress og kátur. Átti fína helgi, fórum upp í sveit eftir skóla/vinnu á föstudaginn þar sem mamma mín fór með Þórhöllu frænku, Lárusi og Sylvíu á Þorrablót. Þau voru öll svo fín, og ég knúsaði mömmu mína með þessum orðum "mamma fín"

Við Hjörtur frændi vorum í passi hjá afa og ömmu á meðan. Og það var svo gaman. Ég hafði góða lyst á þorramatnum um kvöldið - ólíkt í skólanum. Hjörtur frændi las svo fyrir mig og hann setti mig líka í rúmið. Enda er ég svo hrifinn af honum Hirti og lít svo upp til hans, enda er hann svo stór og flottur strákur!!

Við mamma fórum svo inneftir daginn eftir - mamma var að vinna á laugardaginn. Ég fékk aðeins að kíkja í búðina hennar. Fékk bóndadagsköku og mjólk. Kíktum svo á mótorhjól. Pabbi kom svo og sótti mig.

Sunnudagurinn var rólegur og notalegur, reyndar kaldur, roksamur úti, en rólegur og notalegur inni. Við mamma vorum bara heima og nutum þess í botn að hafa ekkert að gera. Ég naut mín með dótinu mínu. Finnst ég hafa verið eitthvað svo lítið heima - þusaði reglulega "gott að vera heima"

Halló halló !!

í dag er sko gaman!! Mamma mín kom í skólann í hádeginu og við blótuðuðm þorranum í skólanum. Mamma og pabbi Jóhannes vinar míns komu líka og sátum við öll saman á borði þar sem við Jóhannes gátum spjallað líka saman. Þetta var alveg rosalega gaman. Nema ég er ekki að borða eins og ég er vanur. Borðaði ekkert í gær, og jú smá ristað brauð í morgun, en ekkert meir. Mamma krossleggur fingur og vonar að ég sé ekki að verða veikur. Við förum upp í sveit á eftir, mamma ætlar að smella sér á þorrablót þar. Svo komum við heim á morgun þar sem hún er að vinna og ég ætla til pabba.

Mamma og mamma Jóhanness ræddu um að við tveir myndum hittast td eitthvað um helgar. Það væri rosalega gaman að hitta vin minn utan skólans !!

En myndir af þorrablótinu verða að koma síðar þar sem mamma er ekki að finna einn kortalesara í vinnunni sem virkar sem er ekki innpakkaður í umbúðir og er til sölu...

eigið góða helgi og krossið fingur með mömmu að ég sé ekki að fá gubbuna

ykkar Gabríel Alexander

Sylvía besta frænka fékk bílprófið í dag!!!

Til hamingju elsku besta Sylvía okkar !!!!

Mamma fór í foreldraviðtal í dag :) Og ég fékk rosalega góða umsögn. Er duglegur, góður, blíður og þægur. Er vel staddur hvað varðar allan þroska, fínhreyfingar og grófhreyfingar. Get setið kjurr þegar þarf, og er með mikla hreyfiþörf. Ég er duglegur að leika mér einn og í hóp, tek tillit til annarra. Ég stríði ekki og mér er ekki strítt. Ég borða allan mat, og vel af honum. Afskaplega viðráðanlegur og auðvelt að tala mig til og hugga mig. Eins og mamma hefur alltaf sagt; draumabarn. Enda er ég með stórt hjarta og mikla væntumþykju.

Í dag fór ég til Sylvíu frænku í pass. Mamma varð að fara á fund í vinnunni og skutlaði hún mér i pass upp á vist. Oh það er svo gaman að fara þangað. Sylvía besta frænka poppar handa mér og mér þykir alltaf svo gaman að fara til hennar. Takk elsku Sylvía fyrir að passa mig!!