Helgi í sveitinni

hæ hæ !! Við mamma fórum í sveitina á föstudaginn.  Ég heimtaði að fara í sveitina strax á föstudag - mamma bauð mér að vera heima á laugardagsmorgun til að leika mér með dótið mitt en nei - ég sko vildi fara strax til afa og ömmu!

Fórum með hjólið mitt og mótorhjólið. Þegar ég vaknaði klukkan átta á laugardag var ég sko alveg til í að fara að leika mér .  Mér fannst afskaplega gott að hafa mömmsu þarna fyrst, við spjölluðum saman um mótorhjólin og bílinn minn. Vildi ekki fara fram, bara vera þarna með henni og spjalla. 

Mamma varð svo að fara og hjálpa afa við að ferja rollurnar á fjöll. Langamma og langafi voru með líka.  Við amma fórum á rúntinn líka í Belg og heilsuðum upp á lömbin.  því næst fórum við á róló við amma, og á trambólínið hennar Þórhöllu frænku! Rosalega gaman.  Og þegar mamma kom heim þá fórum við í sund með langafa og langömmu.  Þórhalla frænka var að vinna og ég fæ stundum að laumast í skápinn á bakvið hjá henni - þar geymir hún stundum ís... mér finnst ís svo góður!

Ég fékk að vaka smá frameftir.  Ég svaf svo vel um daginn - og svaf til átta á sunnudag líka.  Fékk monster trukk hjá afa og hann setti spotta í hann og ég dró hann á hjólinu mínu á rólóinn.  Mamma fór með mér og við lékum okkur þar! 

Svaf svo þrjá tíma eftir hádegi í dag líka.  Svo dagurinn fór í voða lítið nema bara afslöppun.  Kíktum á Sylvíu frænku áður en við fórum heim.  Merkilegt - hún á svona skemmtilegan ísskáp líka í vinnunni sinni :o)   Mér finnst svo skrýtið þetta með Lynghraunsfjölskylduna að þau eru bara aldrei heima.  Og ég spyr alltaf svo eftir þeim.  Það nýjasta er að ég ætla að verða eins stór og Lárus því þá má ég fá mér alvöru mótorhjól með svona hjálm sem er með fyrir augun. Og þegar ég verð eins stór og Hjörtur Smári þá ætla ég í sumarbúðir líka - alveg eins og hann!!!

Jámm helgin var góð - og við hlökkum til að fara í sumarfrí - en fyrst förum við í útilegu með vinnunni hennar mömmu !!! það verður sko gaman!!!

þar til næst - ykkar Gabríel Alexander

  

Pabbahelgi

hæ hæ hó hó - ég er kátur í dag.  Var reyndar ekki tilbúinn til að fara í skólann - eða öllu heldur að skilja við mömmu mína. 

Ég var hjá pabba um helgina og það var gaman.  Var svaka kátur þegar ég kom heim með nýja mótorhjólið mitt.  Þreyttur og sæll.  Enda svaf ég vel í nótt og steinsofnaði aftur í kvöld snemma, sáttur með mótorhjólið mitt. 

Þegar mamma mín kom að sækja mig í dag þá var ég svo kátur.  Hún var með mótorhjólið mitt.  Við höfðum mæst á miðri leið - ég mátti hafa það með í bílinn en ekki alla leið í skólann.  Og við fengum okkur ís.  Rúntuðum og hlógum .o)  Ég var sko með nægjanlegt pláss fyrir skyr og rúgbrauð með kæfu - og ég í bað og ég held ég hafi verið klukkutima í baði.  Mamma allagvega talaði um að sækja fiskinn sinn baðið og ég var kominn með rúsínuputta :o) Og svakalega var gott að kúra hjá mömmsu minni og horfa á Simpson saman. Enda sofnaði ég næstum.  Slakaði alveg á.

Á morgun sækir pabbi mig- mamma er að vinna til 18:00.  Síðasta vikan sem mamma þarf að vinna til 18:00 í sumar.  Og það sem meira er að Þórhalla frænka og Hjörtur Smári eru að koma og ætla að gista hjá okkur.  Mikið hlakka ég til að hitta þau.  Reyndar spurði ég um hvort Lárus kæmi líka, mér finnst hann skemmtiegur - hann á neblea mótorhjól :o) 

Vona þið egið góðan dag á morgun - ykkar Gabríel A.

sund eftir skóla

hæ hæ !! Í dag var æðislegt veður.  Ég vaknaði á undan mömmu minni við að sólin skein innum gluggann minn.  Ég á fætur með bílana mína inní stofu.  Lék mér þar þangað til ég heyrði í vekjaraklukku mömmu (gemsanum). Þá þaut ég inn í herbergi til hennar með brunabílastóðið mitt, sængina gogga og dudduna og bauð henni góðan daginn :o)

Ég er enn með smá Risalandskomplexa.  En það gekk betur í morgun.  Ég td fór ekki að gráta á eftir mömmu í dag.  En undanfarið hef ég grátið á eftir henni.  Og var svo hress þegar hún kom og sótti mig í dag.  Við fórum sko í sund! Það var svo mikið af fólki í lauginni.  En ég fór í rennibrautina og hljóp hring eftir hring.  Og þegar það var löng röð þá bara taldi ég á puttunum upp í tíu (já svona nokkurn veginn) og tók tillhlaup og lét mig gossa út í laugina með öskri og gusurnar þutu út um allar áttir! ha ha ha það var svo gaman!!

Við grilluðum þegar við komum heim og ég torgaði líka einni skyrdollu.  Kea skyr með vanillu er mitt uppáhalds skyr! Mamma hafði leyft mér að velja mér ís eftir sundið sem ég mátti bara borða ef ég væri duglegur með kvöldmatinn (sko mig og skyrið!! ) og þegar Simpsons var að byrja bað ég mömmu um að geyma restina af ísnum.  Hafðio valið mér grænan Lurk, sem auðvelt er að setja aftur í bréfið og ofan í kistu.  Já gott fólk ykkar yndislegastur var kominn inn í rúm hálf átta! Sofnaður útkeyrður, hamingjusamur, saddur og útitekinn klukkan átta!

Þar til næst - ykkar Gabríel

Sumarhelgi

Hæ hæ !!!

Við mamma áttum svo sannkallaða sumarhelgi í sveitinni.  Mamma sótti mig eftir skóla á föstudag og þá vorum við búin í sameiningu um morguninn pakka dótinu og hjólinu í bílinn.  Svo eina sem mamma átti eftir að gera var að sækja mig, taka bensín og bruna af stað.

Það er svo gaman að koma í sveitina til afa og ömmu, finna alla kubbana mína þar.  Sýndi afa og ömmu nýja hjólið mitt og amma labbaði með mér smá spotta á meðan ég hjólaði.  Sylvía frænka kom og ég sýndi henni hjólið mitt líka! 

Laugardag þá fór mamma að hjálpa afa með smotterí í fjárhúsunum en við amma mín fórum á rúntinn og á róló! Ooooh það var svo notalegt að eiga ömmsuna mína og vera úti í góða veðrinu og leika mér.  Svaf afskaplega vel eftir hádegið.  Fórum í Lónið (Jarðböðin við Mývatn) þegar ég vaknaði með ömmu. Það er svo gaman í Lóninu - ég nýt mín til fullnustu þar með mótorhjólin mín - hlaupa upp og út í. 

Þegar júróvision var þá var ég orðin heldur þreyttur.  Mamma leyfði mér samt að vaka aðeins til að hlusta á lögin því ég hef svo gaman af því að hlusta og horfa á svoan dans og söng.  En um hálf níu þá segi ég við mömmu, ömmu og afa "góða nótt" - tek Goggann minn, sængina og dudduna og labba inn.  Meira en tilbúinn til að fara að sofa! Mamma mín las Bangsimon og söng draumahöllina og ég rotaðist :)

Sunnudag vöknuðum við um hálf átta í sól og blíðu.  Fórum út á tröppur með morgunmatinn okkar.  Mér finnst svo agalega gaman að borða úti. Fórum á rúntinn í Belg og ég hitti nokkur lömb, og mér finnast þau svo falleg, eins og með hvolpana þá horfði ég á þau með lotningu og talaði blíðlega til þeirra, og strauk þeim varlega um kollinn. Svo hoppaði það aftur til mömmu sinnar :o)

Var mikið úti að leika í gær.  Svaf líka vel. Mamma brann í sólinni - og ég endaði í stuttubuxum. Það var grillað og ég hjólaði á pallinum hjá ömmu og afa, borðaði ís og fékk nammi, hitti Sylvíu aftur og við hjóluðum saman á pallinum :) 

Jámm við mamma áttum sannkallaða sumarhelgi.  Gott að koma heim, horfa á snjósleða í snjónvarpinu og á flottu bílanan í Top Gear.

Þar til næst ykkar Gabríel Alexander

buff og mynd af silvíu

já ég er bara sætastur í heimi.  Mamma bara varð að koma því að.  Ég fór í skólann í morgun eftir inniveruna.  Var frekar ósáttur við Risaland. Vildi heldur fara á Undralandið mitt.  En málið er að núna eru allir vinir mínir komnir yfir á Risaland, strákarnir sem fluttu um leið og ég og stelpurnar komu núna í þessari viku.  Svo hópurinn okkar er allur mættur.  Enda var gaman í dag!

Hulda sótti mig svo um fjögur og ég fékk að versla með henni - og ég fékk nýtt buff.  Sem er kannski ekki frásögu færandi nema það er afskaplega litríkt og flott - og ég valdi það sjálfur!

Eins og þið flest vitið þá er ég með mótorhjóladellu.  Á háu stigi.  Og hver önnur en besta frænka mín hún Sylvía er mótorhjólastelpa.  Reyndar eru þau öll hjólafólk í Lynghrauninu.  En ég á mynd af Sylvíu minni útprentaða á hjólinu sínu sem var tekin á Icecross mótinu á vatninu í vetur. 

Þannig að eftir góðan dag ligg ég steinsofandi, með buffið mitt nýja og mynd af Sylvíu á mótorhjólinu sínu.  Mamma var því miður ekki búin að ná mynd af buffinu en hér er myndin sem ég á af Sylvíu:

Hressist óðum

hæ hæ!! ég er enn heima -var með 38 í gær aftur og mamma ákvað að halda mér heima einn dag í viðbót sem er gott því ég er ekki alveg orðinn frískur.  En ég hressist óðum og hef nóg að gera og leik mér mikið.  Er hættur að taka lúra á milli stunda sem mamma segir benda til að ég sé að verða frískur.  Við ætlum af stað aftur á morgun - ég í skólann og mamma í vinnu.  Hlakka til að hitta vini mína aftur. 

Við mamma höfum það gott saman - við horfum á Tímon og Púmba, kubbum úr legó, lesum og pússlum. 

Enn heima

En hann er hressari.  Hann leikur sér meira núna en tekur samt reglulega pásur inni á milli með sængina, dudduna og Gogga (eða Mumu) Hann var með 38 í gær og er enn með hita - mældi hann ekki í morgun; maður sér það bara á honum blessuðum.

Pabbahelgi

Hæ hæ !! Var hjá pabba um helgina.  Hann sótti mig í skólann og ég gisti hjá honum í fyrsta skipti yfir heila helgi.  Það var rosaelga gaman, ég kom allavega sæll og ánægður heim.  Fór í sund, sá húsdýr og reyndi að telja mömmu minni trú um að ég hefðie kki fengið neinn is eða nammi alla helgina... En einhverja hluta vegna þá trúir hún mér ekki... ??

Gott að koma heim í gær líka.  Allt dótið mitt á sínum stað.  Við mamma grilluðum og áttum gott kvöld, fékk að horfa á Top Gear þáttinn sem er uppáhalds (fyrir utan formúlu) þar eru svo flottir bílar og kappakstursbílar.  Ég þeysist um íbúðina okkar á bilnum mínum og mamma vonar að fólkið á neðri hæðinni verði ekki galið... - sem betur fer er líka gólfefnið í íbúðinni ónýtt svo ég skemmi ekkert frekar :o)

En í nótt sváfum við ekki mikið.  Ég kom tvisvar til mömmu og í seinna skiptið þá sagði ég henni að ég fyndi til í eyranu mínu.   Hún leyfði mér að kúra hjá sér, og í morgun þá fann ég enn til og er með hita.

Verkurinn greinilega hætti - ég allavega er nógu hress til að leika mér en ég er samt með hita.  Ég hristi þetta af mér hratt og örugglega!

Þar til næst eigið góðan dag

Ykkar Gabríel Alexander

Nýja hjólið!

Halló halló!!!

ég fékk fyrsta hjólið mitt í dag!! Mamma var búin að skoða og fann eitt í gær.  Svo fórum við að máta í gær og það var of stórt.  Við fundum annað sem er appelsínugult á litin - það er minn uppáhalds litur!  Ég er sko duglegur að hjóla!! Og var enga stund að ná tökum á þessu og var farinn að hjóla um búðina á meðan mamma borgaði.  Svo fórum við út á róló sem er hérna fyrir utan blokkina okkar og ég hjólaði og hjólaði hringi eftir hringi!

Mamma er búin að setja myndir inn á flikkrið okkar og slóð hér til hliðar. 

Kær kveðja

Gabríel hjólastrákur!!

Hvítasunna 2008

hæ hæ!!

Við mamma áttum frábæra helgi.  Byrjuðuðm laugardaginn á að fara í Fellshlið og sjá hvolpana hennar Blíðu og ég varð rosalega hrifinn af þeim.  Mamma hélt á einum og ég strauk honum blíðlega og talaði til hans fallega.  Hann var svo lítill og ég skil alveg að þeir eru litlir og ósjálfbjarga, enda var ég ekkert að væflast í kringum þá einn.  Mér fannst þeir svo fallegir, og mamma segir mig hafa horft á þá með einlægri lotningu.  Þegar ég kom til ömmu og afa sagði ég ömmu frá hvolpunum og myndaði pínulítinn hring með puttunum til að sýna henni hve pínu litlir þeir voru.  En þeir eru sjö talsins, og eru rétt farnir að sjá!

Ég var alveg útkeyrður eftir þessa viku.  Svo mikið að gera hjá mér í þessum deildarflutingum að ég svaf alveg lúrana mína á daginn og var samt útkeyrður á kvöldin.  Þannig ég svaf til hálf tíu á sunnudag!! og fór að sofa aftur í hádeginu!! Mamma alveg hissa á þessu hjá mér!

Fengum svo gott veður á mánudaginn og var mikið úti að leika mér !  Fór líka í fjárhúsin og hitti lömbin sem komin eru.  Ég er rosalegur dýravinur. 

Og já ég er semst fluttur á Risaland. var rosalega spenntur að fara þar inn í morgun og geta fylgst með mömmu labba út í bíl og sent henni fingurkoss :)

Það eru nýjar myndir á flikkrinu okkar :) Sjá hérna: MYNDIR

Vika liðin

hæ hæ !!

nú er vika liðin síðan mamma skrifaði eitthvað hérna inn.   Og hún er líka loks búin að setja inn myndir!! Þær má sjá hérna:

Myndir Nýjar !!!

Vikan er búin að vera heldur strembin. Föstudaginn gisti ég í fyrsta skipti hjá pabba og það gekk bara mjög vel.  Skemmti mér vel við að gefa öndunum og fara í sund og í bíltúra.  Kom hress og kátur heim á laugardagskvöldið.  Þá þurfti ég að dótast mikið og var ekki þægur á að fara að sofa.  Ég þarf minn tíma með dótinu mínu.  Ég er heimakær í mér.  Á sunnudaginn átti amma mín afmæli. Við mamma fórum auðvitað uppeftir og knúsuðum hana:) Þar var lambasteik í matinn og kaka á eftir :) ég hjálpaði sko við að skreyta kökuna með kertum og þeyta rjómann!! Ég er svoddan sælkeri að ég á ekkert erfitt með að hjálpa til við svona kúnstir :)

Síðan er ég búinn að vera á flakki á milli Undralands og Risalands.  Og það er að taka smá toll.  Ég er útkeyrður og þreyttur, með stuttan þráð og mamma finnur til smá óöryggis hjá mér.  Ég er soldið óþægur, og enda alltaf með að vilja bara vera hjá henni.  Mamma er líka búin að vera að vinna aðeins meira og ég hef ekki fengið eins mikið af henni og vanalega.  Enda er litla blaðran mín búin þegar hún loks kemur heim.  Hún huggar mig og við hlökkum bara til helgarinnar - það eru 3 dagar í frí og mamma ætlar að eyða þeim öllum með mér - ekkert að fara neitt eða vinna eða gera neitt.  Ég fæ að hafa hana alveg fyrir mig.  Við ætlum að kíkja í Fellshlíð og skoða hvolpana hennar Blíðu - en hún eignaðist 7 hvolpa á sumardaginn fyrsta!! Það verður sko spennandi að sjá þá.  Og vonandi koma nú lömb í Belg :) 

 

ís til að toppa daginn

Hæ aftur :)

já við mamma sváfum til fjögur í dag! Mikið svakalega var nú gott að leggja sig. Og þegar við vorum komin á fætur þá ákváðum við að fara út á rúntinn - og fá okkur ís.

Mamma er búin að setja nokkar nýjar myndir á flikkrið okkar :o)

Myndir .. Smellið hér...

1.mai :o)

hæ hæ ! Í dag er 1. mai og við  mamma heima saman!  Við byrjuðum daginn snemma - um sjö og erum búin að hafa það gaman.  Fórum út í kuldann með þríhjólið mitt og ég hjólaði á róló! Það er rosalega gaman!! Mamma segir að í sumar fái ég stórustrákahjól.  Hún ætlar að kaupa handa mér í júní þegar nær dregur að sumarfríinu okkar! Svakalega hlakka ég til!!

Og við lékum okkur í sandinum, og í rennibrautinni, fann risaeðlu og leyfði henni að fljóta með í þríhjólinu. 

Svo eftir að hafa verið úti í kuldanum þá var sko gott að fá sér kakó! Mamma bjó til alvöru kakó - og það var rosalega gott.  Ég er svoddan kisa og þarf að hafa þetta frekar kalt. 

Svo var ákveðið að á morgun mun ég gista hjá pabba í fyrsta skipti.  Hann mun sækja mig á leikskólann og ég gisti hjá þeim á morgun og kem svo heim eftir kvöldmat á laugardag.  Mamma er að vinna, og það er pabbadagur á laugardaginn.  Og það er kominn tími á að ég prufi að gista hjá þeim.  Mamma er ánægð með að taka þetta skref, ég er tilbúinn í þetta og pabbi minn líka.  Allavega leggst þetta vel í okkur mömmu og vonum að þetta gangi allt vel.  - sem þetta mun auðvitað gera :o)

Á sunnudaginn 4.mai á hún amma mín afmæli.  Við mamma ætlum upp í sveit snemma og kyssa hana rembingskoss í tilefni dagsins :o)

þar til næst - eigið góða helgi

Ykkar Gabríel Alexander

Risaland :o)

 

hæ hæ !  Það er komið sumar, og samt þurfti mamma að klæða mig í útigallann í morgun. 

Ég skal bara segja ykkur það að ég var ekki ánægður með að þurfa að fara með húfu í skólann - að ég mætti ekki hafa buffið mitt...

Nú ég fann ráð við því - setti buffið bara utan um húfuna og fór með bæði! Jámm ráðagóður ég!

Á morgun fær mamma að skoða Risaland.  En ég byrja í aðlögun þar í næstu viku.  Við Jóhannes og Snæbjörn fáum að flytja saman - sem betur fer - það er nú nógu erfitt að kveðja þær yndislegu konur sem vinna á Undralandi. 

Allavega er mamma komin með planið á aðlöguninni og við erum farin að tala saman um Risaland.  Þetta verður gaman að flytja og læra eitthvað nýtt.  Mamma þekkir aðeins til á R isalandi og veit að þar vinna líka yndislegar konur. 

Þar til næst

Ykkar Gabríel Alexander

Gleðilegt sumar!!

Gleðilegt sumar !!

Takk fyrir veturinn!

Við mamma áttum yndislegan dag í gær hjá afa og ömmu.  Við reyndar byrjuðum á að fara í sund kl átta og ég hamaðist non stop í meira en klukkutíma - hlaupa hring eftir hring í rennibrautina og hoppa út í litlu laugina við rennibrautina á eftr löggubílnum mínum og bjarga honum og svamla til baka upp á bakkann og príla uppá hann og hlaupa í rennibrautina aftur... Já enda sofnaði ég eftir ísinn á leiðinni uppí sveit til afa og ömmu. 

Þar fékk ég að hjálpa afa að hreinsa restina af snjónum af pallinum þeirra - með vatnsslöngu - og var ekki þurr þráður á mér á eftir.  Og ég með sólskins hamingjubros yfir allt andlitið. 

Við fórum líka út að labba með Herkúles.  Ég fór í stígvélin mín og fann stóóóran poll!! Og þurfti að skipta aftur um föt - en ég var hamingjusamur með þetta allt saman!!

Síðasta vetrardag var náttfataball í skólanum mínum - og hérna eru myndir af okkur Jóhannesi og Snæbirni - en þeir eru bestu vinir mínir.  Við fáum að flytja saman á næstu deild í vor/haust. 

Spiderman skór

hæ hæ

dæmi um hvað ég er yndislegur: 

Mamma gaf mér nýja spiderman skó í gær - strigaskó með frönskum rennilás.  Ég fór strax í þá svaka montinn. 

Ég var í þeim allt kvöldið.

Ég svaf í þeim...  (mamma reyndar klæddi mig úr þeim þegar ég var sofnaður)

Ég fór í þá sjálfur þegar ég vaknaði og jú fékkst til að fara úr þeim til að mamma gæti merkt þá áður en við fórum í skólann. 

þar sem þeir voru / eru alveg nýjir svo ég fékk að fara á þeim inn í stofu - fékkst ekki til að fara úr þeim og í inniskóna.

Sunnudagur til sólar

ó já! það er sól og blíða úti.  Ég vaknaði ekki fyrr en um átta eftir langan og góðan dag í gær.  Ég kom heim rétt fyrir átta og var þá ekki alveg á að fara að sofa enda bara allt í lagi -  við mamma sátum og áttum okkar stund saman.  Ég sagði henni sögur og bjuggum til hús úr sængunum okkar og fengum okkur flögur og svala :)

Og ég já svaf til átta í morgun - og vaknaði svona kátur með lífið - enda hvernig er hægt annað þegar sólin skín inn um Bubba Byggir gluggatjöldin mín og ég heyri í fuglasöng? Nú á fætur og lék mér heillengi áður en ég skreið uppí til mömmu - sem var þá vöknuð (hún vaknar venjulega um leið og ég byrja að tala í leik á morgnana)

Morgunmatur og í sund - sem er frábær leið að byrja daginn.  Svömluðum í sundi til nærri ellefu! Ég get sko farið í gulu rennibrautina sjálfur.  Mamma bíður eftir mér grípur mig.  Ég er svo stór að ég get þetta alveg sjálfur og það er svo gaman!!

Næst í Brynjuís.  En þangað förum við ekki aftur - ísinn var allt of kaldur og ekkert ísbragð - frekar eins og klaki, eða svona með frostkurli í, en við skemmtum okkur vel í sólinni.  Ég skutlaði í mig súrmjólk þegar heim kom og var sofnaður fyrir hálf eitt.

Náðum 15:20 sýningu í Borgarbíó á Bubba Byggir í vilta vestrinu.  Það var snilldar gaman! Ég fékk kók og nammi eins og síðast - enda er þetta nánast eina skiptið sem ég fæ kók.  Ég náði ekki að sitja heila myndina - enda var ekkert hlé og ég fékk ekkert að hlaupa - síðast þá var hlé og það hjálpaði til.  En það var rosalega gaman.  Tók reyndar smá óþægðarfrekjukast á leðinni út og í bílinn - vildi ekki út þarna og neitaði að leiða mömmu yfir götuna og var bara með óþægðarstæla.  Endaði með óþægðina mína og frekjukastið í herberginu mínu þegar heim var komið.  Kom svo fram "ég vil ekki vera óþægur kenjakrakki mamma mín" og hljóp í hálsakot.

Núna grilluðum við kjúlla og pyslur og borðuðum í stofunni - það er sko það skemmtilegasta :) Mér finnst svo gaman að grilla - vil hjálpa til - halda á skálinni með matnum út og inn aftur - og fylgjast með (úr góðri fjarlægð) kjötinu á grillinu.  Svo borða ég hann með mestu og bestu lyst.    

Já yndisleg helgi að baki - vona að þið hafið átt góða helgi líka :)

Ykkar Gabríel Alexander

Sólskinsdagar

Hæ hæ !! Já það er sko gaman að vera til þessa dagana.  Frábært veður og ég er kominn með rauðar kinnar af sólinni!  Mamma sótti mig í skólann í hádeginu í dag - það var starfsdagur og skólinn lokaði kl 12:15.  Við fórum upp í sveit í blíðunni - afi tók nagladekkin undan súbbanum og setti sumardekkin undir.  Mömmu finnst vera komið sumar þegar sumardekkin eru komin!

Við mamma smelltum okkur svo í Lónið í þessu yndislega veðri sem var í dag og það var rosalega gaman.  Ég er orðin svo stór og duglegur að það er ekkert mál að fara með mig í lónið núna.  Fer mér ekkert á voða og skemmti mér vel að busla í þessu vatni og sandinum.  Auðvitað  voru mótorhjólin með í för.  

Eftir lónið fengum við okkur ís og nutum dagsins í sveitinni hjá afa og ömmu. 

Ég naut þess að hafa mömmu bara einn, og eitt skiptið þegar ég var í fanginu hennar úti í miðju lóni þá slakaði ég alveg á, setti litla andlitið mitt í hálsakot og naut þess að vera bara hjá henni. 

Ég er búinn að vera í afskaplega góðu jafnvægi þessa daga og sl vikur.  Búinn að vakna sönglandi og fer að leika mér áður en klukkan hringir.  Er komin í fötin og tilbúinn að fara í skólann áður en við þurfum að fara af stað.   Segi temmilega margar lygasögur og tek upp á góðum uppátækjum reglulega til að halda mömmu við efnið.  Sef virkilega vel, borða enn betur, hreyfi mig mest og syng með Linkin Park á morgnana í bílnum. 

Vona að þið hin eigið jafn góða daga og við mamma!

Góða helgi öll - ykkar Gabríel Alexander

Nóg að gera

hæ hæ !

Héðan er allt frábært að frétta.  Nóg að gera og gaman að vera til! Snjórinn er mikið farinn og kem ég heim með haugadrullug og rennandi blaut föt - pollarnir eru svo skemmtilegir á leikvellinum í leikskólanum!

Afi sótti mig í skólann á föstudaginn og fór ég með honum og Sylvíu að versla og svo heim í sveitina - spurði reyndar mikið eftir ömmu minni - fannst að skrýtið að hún væri ekki með að sækja mig.  Mamma var að vinna á laugardaginn og kom hún uppeftir þegar hún var búin að vinna.  

Ég fór í fermingarveislu með þeim á laugardeginum í Hraunberg.  Arnþrúður Anna og Skarphéðinn Reynir voru fermd og óskum við mamma þeim til hamingju með daginn! Afi beið á meðan ég svaf en amma fór í messu og í veislu. 

Var gott að fá mömmsu mína og vildi ég voða lítið annað en að hún stjanaði við mig. 

Á sunnudag var gestkvæmt í Birkihrauni og mér fannst það hálf skrýtið og var frekar feiminn.  En þegar ísinn kom á borð þá hvarf feimnin og íshólfið mitt opnaðist :)

Það var gott að koma heim.  Ég heyrði aðeins í pabba mínum sem er á ferðalagi og var ánægður með það.  Ég kannski tala ekki mikið í símann og ekki lengi en það er samt gott að heyra raddir minna nánustu - td í pabba, afa og ömmu sem ég hitti ekki á hverjum degi. 

Anna Valgerður vinkona mín átti 2 ára afmæli á laugardaginn 12. apríl - til hamingju með daginn elsku vinkona!!! Hlakka til að sjá ykkur í sumar og fá að sýna þér dótið mitt !

 

Eigið góðan dag

Ykkar Gabríel Alexander

Lasinn :)

halló allir !!

ég er heima núna - lasinn.  Með hósta og hor.  En ég er afskaplega geðgóður samt.  Tek mér bara reglulega pásur í stólnum okkar mömmu með sængina og slaka á.  Er með hita. 

Ég hitti Sylvíu bestu frænku á laugardaginn.  Mamma var að vinna og Sylvía passaði mig.  Það var bara gaman! Hún fór með mig í sund, og gaf mér nammi og dúllaðist með mig.  Fór með mig á rúntinn um allt!  Mér finnst svo gaman að fá að hitta hana hún er svo skemmtileg. 

Annars er bara lítið að frétta af okkur.  Ég fer í sveitina næstu helgi meðan mamma er að vinna á laugardaginn.  Hún hætti við að fara á árshátíðina og ætlar að vinna í staðinn. Ég fer bara með afa og ömmu i fermingarveislu í Hraunbergi í staðinn! Hlakka mikið til!

Þennan bíl fann mamma í sænginni sinni - hún spurði mig hvað hann væri að gera - "hann er í ísbúðinni"