Hæ hæ !! Ekki mikið að gerast nema ég er lasinn :( var heima með mömmu miðvikudag og fimmtudag, og mamma varð að fara í vinnu föstudag og keyrði mig til afa og ömmu. Svo kom mamma mín til okkar aftur föstudagskvöldið og héldum við að ég yrði nú hress, en þá tók einhver hiti við og varð ég eftir í gær. Er í góðu yfirlæti hjá afa og ömmu. Fullt af gröfum að vinna hinum megin við götuna hjá ömmu og ég get staðið í glugganum og horft.

Málið er að ég fékk vírus í augun mín. Eitthvað sem var að ganga á leikskólanum. Amma Sigga sagði mömmu að vera ekki að troða dropum í augun ef þetta færi strax minnkandi sem það gerði svo ég losnaði við allt svoleiðis vesen sem betur fer. Við mamma viljum ekki notast við lyf nema í brýnustu nauðsyn. En svo hætti það en ég hósta og er með hor. Og í gær mældist ég með 38,5 gráður. Ekki gott.

Ég er svo heppinn, því Sylvía og Hjörtur Smári lánuðu okkur ömmu kubba sem þau léku sér með þegar þau voru lítil, og þessir kubbar hafa ílengst hjá ömmu. Og hef ég nóg að gera!